احتساب عدالت: سپیکر قومی اسمبلی راجہ پرویز اشرف نوں سَدھ لئیا گیا
اسلام آباد(پنجابی میڈیا گروپ)احتساب عدالت اسلام آباد نے سپیکر قومی اسمبلی راجہ پرویز اشرف نوں آئندہ سماعت اُتے حاضری لئی ذاتی حیثیت وچ سَدھ لئیا اے۔سپیکر قومی اسمبلی راجہ پرویز اشرف خلاف کیساں دی سماعت احتساب عدالت3 دے جج محمد بشیر نے کیتی، راجہ پرویز اشرف احتساب عدالت 3 پیش نہ ہوئے۔راجہ پرویز اشرف ولوں پلیڈر ارشد تبریز احتساب عدالت پیش ہوئے جس دے بعد عدالت نے راجہ پرویز اشرف خلاف کیس دی سماعت 2 نومبر تک ملتوی کردتی ۔ خیال رہے کہ راجہ پرویز اشرف ریشما، سمندری، رتوڈیرو، ستیانا تے گلف پاور پلانٹ پراجیکٹاں بارے ریفرنس وچ ملزم نامزد نیں۔
