منی لانڈرنگ کیس: عدالت دا چودھری پرویز الہی نوں پیش کرن دا حکم
لہور( پنجابی میڈیا گروپ)سپیشل کورٹ سینٹرل نے منی لانڈرنگ کیس وچ سابق وزیراعلی پنجاب چودھری پرویز الہی نوں عدالت پیش کرن دا حکم دے دتا۔سابق وزیراعلی پنجاب چودھری پرویز الہی تے اونہاں دے صاحبزادے مونس الہی دے خلاف منی لانڈرنگ کیس دی سماعت سپیشل کورٹ سینٹرل وچ ہوئی۔عدالت نے چودھری پرویز الہی نوں23 اکتوبر نوں جیل توںلیا کے عدالت وچ پیش کرن دا حکم دیندیاں ہویاں آکھیا کہ ڈائریکٹر ایف آئی اے تے متعلقہ جیل دے سپرنٹنڈنٹ پرویز الہی دی عدالت پیشی نوں یقینی بنائے ۔دوران سماعت مونس الہی دے وکیل نے مونس الہی ولوں وکالت نامہ پیش کیتا جس اُتے عدالت نے آئندہ سماعت اُتے مونس الہی نوں وی پیش ہون دا حکم دے دتا۔عدالت نے قرار دتا کہ فوجداری کارروائی وچ ملزم دی ذاتی حیثیت وچ پیشی ضروری اے، مونس الہی دے وکیل آئندہ سماعت اُتے اونہاں نوں عدالت پیش کرن۔
