گرفتاریاںخلاف ردعمل، استاداں دا امتحانی ڈیوٹیاں دے بائیکاٹ دا اعلان
لہور( پنجابی میڈیا گروپ)استاداں نے گرفتاریاںخلاف ردعمل دیندیاں ہویاں امتحانی ڈیوٹیاں دے بائیکاٹ دا اعلان کر دتا اے۔استاداں دا کہنا اے کہ 20 اکتوبر توں شروع ہون والے انٹرمیڈیٹ دے امتحان وچ ڈیوٹی انجام نہیں دیون گے تے اگلے مرحلے وچ پیپر سیٹنگ تے عملی امتحان دی ڈیوٹی وی نہیں کرن گے۔ٹیچراں دا کہنا اے کہ جَد تک ساڈھے ساتھیاں نوں رہا نہیں کیتا جاندا احتجاج جاری رہے گا، لیو انکیشمنٹ قنون وچ تبدیلی وی واپس لئی جائے، گرفتاریاں تے معطلیاں توں گھبران والے نہیں۔
