جماعت اسلامی داامریکی سفارتخانے سامنے احتجاج دااعلان

لہور(پنجابی میڈیا گروپ)جماعت اسلامی دے مرکزی امیر سراج الحق نے آکھیا اے کہ جس طرح ساڈھے لئی کشمیر اہم اے ایسی طرح غزہ اہم اے،29اکتوبر نوں امریکی سفارتخانے سامنے احتجاج کراں گے۔فلسطین کانفرس نال خطاب وچ امیر جماعت اسلامی سراج الحق نے آکھیا کہ غزہ دا3لکھ اسرائیلی فوج نے محاصرہ کیتا ہویا اے، ایس ویلے ساڈھے ہزاراں بھائی، بہناں اسرائیلی جیلاں وچ نیں، فلسطینی بال وی ساڈھے ہی بال نیں۔اونہاں نے آکھیا کہ ساہنوں اپنے دائرے توں نکل کے کردار ادا کرنا اے، اسرائیلی اَتگردی دا مقابلہ نہ کیتا گیا تے تیجی عالمی جنگ دا خطرہ اے، جَد تک فلسطین دا مسئلہ حل نہ ہو جائے لوگ مہم وچ رَلتی ہون گے، مسلم حکمران اگے ودھن تے غزہ نوں بچان۔سراج الحق نے ہور آکھیا کہ اسرائیلی کمپنیاں دا اقتصادی بائیکاٹ کیتا جائے، اسیں کراچی، لہور تے پشور وچ مارچ کیتا، امریکہ اسرائیل دی سرپرستی کر رہیا اے، جوبائیڈن اوتھے جا کے دھمکی دیندا اے کہ اسیں اسرائیل دے نال کھڑے ہاں، اسیں وی فلسطینیاں نوں تنہا نہیں چھڈاں گے، نال کھڑے ہاں۔