شہباز گل دے دوبارہ ناقابل ضمانت وارنٹ گرفتاری جاری
اسلام آباد ( پنجابی میڈیا گروپ)ڈسٹرکٹ اینڈ سیشن کورٹس اسلام آباد نے شہبازگل دے بغاوت اُتے اُکسان دے کیس وچ دوبارہ ناقابل ضمانت وارنٹ گرفتاری جاری کر دتے۔عدالت نے شریک ملزم عماد یوسف خلاف ٹرائل ختم کردتا۔جج طاہرعباس سپرا نے آکھیا اے کہ سپریم کورٹ نے شریک ملزم عماد یوسف خلاف ٹرائل ختم کرن دی ڈائریکشن دتی، شریک ملزم عماد یوسف دی حد تک کیس وچ ٹرائل ختم کیتا جاندا اے۔جج طاہرعباس سپرا نے ہور آکھیا کہ کیس وچ اشتہاری شہباز گل دے ناقابل ضمانت وارنٹ گرفتاری دوبارہ جاری کیتے جاندے نیں، شہباز گل جَد وی نظر آن ایس ایچ او گرفتار کر کے عدالت پیش کرن۔
