اسیں کیوں سسٹم نال کھیڈ رہے ہاں؟لال حویلی کیس وچ عدالت دے ریمارکس

راولپنڈی( پنجابی میڈیا گروپ)لال حویلی ملکیت کیس وچ عدالت نے ریمارکس دتے نیں کہ متروکہ وقف املاک داچیئرمین تقرری توں پہلاں فیصلہ کسطرح کر سکدا اے؟اسیں سسٹم دے نال کیوں کھیڈ رہے ہاں؟لہورہائیکورٹ دے راولپنڈی بینچ نے لال حویلی کیس دی سماعت کیتی، سماعت جسٹس مرزا وقاص رئوف نے کیتی جس وچ درخواست گزار شیخ صدیق ولوں سردار عبدالرازق خان ایڈووکیٹ پیش ہوئے۔دوران سماعت جسٹس مرزا وقاص رئوف نے آکھیا کہ بادی النظر وچ لگدا اے کہ چیئرمین نے شفاف کارروائی نہیں کیتی، ایس اُتے وکیل درخواست گزار نے آکھیا کہ جس دن چیئرمین نے فیصلہ کیتا اوس دن چیئرمین دا نوٹیفکیشن نہیں ہویا سی، چیئرمین دی تقرری دا نوٹیفکیشن 18 اکتوبر نوں ہویا جَد کہ فیصلہ 14 اکتوبر نوں کیتا گیا۔فاضل جج نے استفسار کیتا کہ چیئرمین تقرری توں پہلاں کسیطرح فیصلہ کر سکدا اے؟اسیں کیوں سسٹم دے نال کھیڈ رہے ہاں؟ اج کل تیزی نال حالات بدل رہے نیں، جیہڑی گل اجے غلط اے تھوڑی دیر بعد صحیح ہو جائے گی۔ بعد وچ محکمہ متروکہ وقف املاک دے وکیل دی عدم دستیابی پاروں عدالت نے سماعت 30 اکتوبر تک ملتوی کر دتی۔