71کروڑ ڈالرقرضہ، IMF نال مذاکرات2نومبر نوں ہون گے

اسلام آباد( پنجابی میڈیا گروپ)حکومت پاکستان تے آئی ایم ایف دے وچکار3 ارب ڈالر دے اسٹینڈ بائی ارینجمنٹ تحت ملن والے 71 کروڑ ڈالر قرضے دی اگلی قسط لئی مذاکرات 2 نومبر نوں ہون گے۔مذاکرات وچ آئی ایم ایف ٹیم دی قیادت ناتھن پورٹر کرن گے، حکومت پاکستان بیرونی سیکٹر دے چیلنجاں دے باوجود مذاکرات دی کامیابی لئی پُرامید اے، اگر حکومت عام الیکشن دا اعلان کردیندی اے تے اوس نال مذاکرات دوران وزارت خزانہ دے ہتھ ہور مضبوط ہوجان گے۔پاکستان وچ آئی ایم ایف دے نمائندے ایستھرپیرز نے میڈیا نوںدسیا کہ عالمی مالیاتی فنڈنے مذاکرات لئی7نومبردے نیڑے تریخ دین دی تجویز دتی سی لیکن حکومت پاکستان دا کہنا سی کہ اوہ مذاکرات لئی جیہڑا ڈیٹا مطلوب اے اوہ اکٹھا کرچکی اے۔اگرفریقین وچ سٹاف لیول مذاکرات کامیاب ہوجاندے نیں تے آئی ایم ایف دا بورڈ دسمبر وچ قرضہ دی اگلی قسط دی منظوری دے دیوے گا۔ایف بی آر مالی سال دی پہلی سہ ماہی وچ پرائمری بجٹ خسارے دے87 ارب روپے دا ہدف پورا کرن وچ کامیاب ہُندانظر آرہیا اے۔