پی آئی اے دا فلائٹ شیڈول بری طرح متاثر

لہور(پنجابی میڈیا گروپ)مالی بحران وچ گھری قومی ایئر لائنز پی آئی اے دا شیڈول معمول اُتیر نہیں آسکیا ، پی آئی اے دی اج وی49 توں وَدھ پروازاں اڑان نہ بھر سکیاں۔ایوی ایشن ذرائع مطابق کراچی توں لہور دیاں اج 4 پروازاں پی کے 302، پی کے 303، پی کے 304 تے پی کے 305 منسوخ کردتیاں گئیاں نیں، کراچی توں کوئٹہ دیاں پی کے310 تے پی کے 311، کراچی توں سکھر دی پی کے 536 تے پی کے 537 وی منسوخ کیتی گئی اے۔کراچی توں اسلام آباد دیاں 5 پروازاں پی کے 300، پی کے 301، پی کے 368 پی کے 369 تے پی کے 370، کراچی توں تربت دی پی کے 501 تے پی کے 502 وی روانہ نہیں ہو سکیاں۔اسلام آباد توں سکردو دی پی کے 451، پی کے 452، اسلام آباد توں گلگت دی پی کے 601 ،پی کے 602، پی کے 605 تے پی کے 606 وی منسوخ کر دتی گئی ، اسلام آباد توں چترال دی پی کے 660 تے 661 ،اسلام آباد توں دبئی دی پی کے 211، اسلام آباد توں جدہ دی پی کے 841، اسلام آباد توں ابوظہبی دی پی کے 261 تے پی کے 262 پروازاں وی منسوخ شیڈول وچ شامل نیں۔