نواز لاڈلے لئی سارے ریلیف، باقیاں لئی سختی اے،پرویزالہی

لہور(پنجابی میڈیا گروپ)پاکستان تحریک انصاف دے مرکزی صدر چودھری پرویز الہی نے آکھیا اے کہ نواز شریف لاڈلے لئی سارے ریلیف تے باقیاں لئی سختی اے۔عدالت پیشی اُتے میڈیا نال گل کردیاں ہویاں چودھری پرویز الہی دا کہنا سی کہ نواز شریف تے شہباز شریف لی ہی سارے ریلیف نیں، 5 مہینیاں توں اسیں ضمانت اُتے ہاں فیر وی ساہنوں تنگ کیتا جا رہیا اے، سپیشل انصاف کیا صرف شریفاں لئی اے؟ انصاف تے اوہ اے جس نوںعوام تسلیم کرے تے انصاف ہُندا نظر وی آئے۔اونہاں نے ہور آکھیا کہ اسیں ہمیشہ اداریاں تے عدالتاں دا احترام کیتا اے، شریفاں نے ہمیشہ ججاں دے خلاف سخت گلاں کیتیاں نیں ایہ کیتھوں دا انصاف اے، نواز شریف لاڈلے لئی سارے ریلیف تے باقیاں لئی سختی اے۔