تھیٹرز، سینما دی بندش دے خلاف کیس، پنجاب حکومت توں 9جون نوں وضاحت طلب
لہور: لہور ہائی کورٹ نے کورونا وائرس پاروں تھیٹرز تے سینماواں دی بندش دے خلاف کیس وچ پنجاب حکومت توں 9جون نوں وضاحت طلب کر لئی۔
لہور ہائی کورٹ وچ جسٹس امیر بھٹی نے پروڈیوسر ایسوسی ایشن دے قیصر ثنا اللہ دی عرضی تے کورونا وائرس پاروں تھیٹرز تے سینماواں دی بندش دے خلاف کیس دی سنوائی کیتی۔
درخواست گزار نے موقف اختیار کیتا کہ سینما تے تھیٹرز بند ہون نال انڈسٹری تباہ ہو رہی اے، عدالت توں استدعا اے ایس او پیز تے عملدرآمد دے نال تھیٹرز کھولن دی اجازت دتی جاوے۔
عدالت نے پنجاب حکومت توں 9جون نوں وضاحت طلب کر لئی۔
