صارفین توں پیٹرولیم لیوی دی مد وچ368فیصد ریکارڈ وصولی
لہور( پنجابی میڈیا گروپ)ایس مالی سال دی پہلی سہ ماہی وچ پیٹرولیم لیوی دی وصولی وچ ریکارڈ 368 فیصد اضافہ ہویا اے۔ذرائع مطابق وفاقی حکومت نے پہلی سہہ ماہی وچ لیوی دی مد وچ222ارب روپے وصول کیتے جدکہ پچھلے مالی سال جولائی توں ستمبر پیٹرولیم لیوی دی مد وچ47ارب48کروڑ روپے وصول کیتے گئے۔ذرائع دا کہنا اے کہ پچھلے مالی سال پیٹرولیم لیوی دی مد وچ580ارب روپے وصول کیتے گئے سن جدکہ ایس مالی سال لئی پیٹرولیم لیوی دی وصولی دا ہدف869 ارب روپے مقرر اے۔خیال رہے کہ ایس ویلے فی لیٹرپیٹرول اُتے60روپے لیوی وصول کیتی جا رہی اے جدکہ ہائی اسپیڈ ڈیزل اُتے فی لیٹر لیوی 55 روپے دے حساب نال عائد اے۔
