پٹرولیم مصنوعات دی قیمتاں وچ ہور کمی وزیراعظم دا عوام لئی تحفہ اے: فیاض الحسن
لہور: وزیر اطلاعات پنجاب فیاض الحسن چوہان آکھیا اے پٹرولیم مصنوعات دی قیمتاں وچ ہور کمی وزیراعظم دا عوام لئی تحفہ اے، اپوزیشن انسداد کورونا دی بجائے صبح شام رونا دی پالیسی تے گامزن اے۔
فیاض الحسن چوہان نے اپنے بیان وچ آکھیا مشکل معاشی حالات وچ وی عوام نوں ریلیف وزیراعظم عمران خان دا طرہ امتیاز اے، اپوزیشن اپنے دائمی حسد وچ وزیراعظم ولوں پٹرولیم تے کورونا ریلیف دا اعتراف کرن نوں تیار نہیں۔ اوہناں آکھیا اپوزیشن کورونا دے خلاف زبانی جمع خرچ دی بجائے عملی اقدامات وچ قدم ودھاوے۔
