شریف تے اومنی گروپس نے چینی تے ارباں روپے دی سبسڈی لئی: شہباز گل

اسلام آباد: وزیراعظم دے معاون خصوصی برائے سیاسی روابط ڈاکٹر شہباز گل آکھیا اے پنج ورھیاں وچ شریف تے اومنی گروپس نے ارباں روپے دی سبسڈی لئی۔

اوہناں دا کہن اسی وزیراعظم عمران خان نے سیاسی نفع نقصان دی پرواہ کیتے بغیر ذمہ داراں دے خلاف انکوائری کروائی تے قوم دے نال خاموشی نال کیتی جان والی واردات پھڑ لئی۔

شہباز گل دا پیپلزپارٹی دے رہنما مرتضیٰ وہاب دی پریس کانفرنس تے ردعمل دیندیاں آکھیا وفاقی حکومت نے چینی تے کوئی سبسڈی نہیں دتی سگوں پچھلے پنج ورھیاں وچ چینی تے 29ارب سی سبسڈی دتی گئی۔

اوہناں دا کہنا سی 29ارب وچوں ساڈھے 26ارب دی سبسڈی پچھلی حکومتاں نے دتی۔ موجودہ پنجاب حکومت نے چینی تے صرف دو اعشاریہ چار ارب دی سبسڈی دتی۔

اوہناں آکھیا چینی دے علاوہ وی سابق حکمران ٹولے دے بڑے پول کھلن والے نیں۔

چینی سکینڈل وچ ملوث ہر ذمہ دار دے خلاف بلاامتیاز کاروائی ہووے گی۔