غزہ:رہائشی علاقیاں اُتے اسرائیلی بمباری،ہور120فلسطینی شہید

غزہ(پنجابی میڈیاگروپ)غزہ دے رہائشی علاقیاں وچ اسرائیلی فوج دی بمباری دا سلسلہ جاری اے،پچھلے24 گھنٹیاں وچ ہور 120 توںوَدھ فلسطینی شہید ہوگئے، اسرائیلی فوج دی کارروائی وچ 1 اسرائیلی یرغمالی ماریا گیا۔غزہ وچ7 اکتوبر توں ہُن تک اسرائیلی حملیاں وچ شہید ہون والے فلسطینیاں دی تعداد22 ہزار 637 توں وَدھ چُکی اے جَدکہ 57 ہزار 296 توں وَدھ افراد زخمی ہوچکے نیں۔فلسطینی وزارت صحت مطابق شہیداں وچ 9 ہزار 100 توں وَدھ بال تے6 ہزار 500 توں وَدھ عورتاں شامل نیں جدکہ زخمیاں وچ8 ہزار 663 بال تے 6 ہزار 327عورتاں وی شامل نیں۔اُودھر مقبوضہ مغربی کنارے وچ وی فلسطینیاں اُتے صیہونی مظالم وچ کوئی کمی نہیں آسکی، مغربی کنارے وچ اسرائیلی فوج دیاں کارروائیاں تے انتہا پسند یہودیاں دے ہتھوں 83 بالاں سنے شہید فلسطینیاںدی تعداد 324 توں وَدھ چکی اے جدکہ 3 ہزار 800 توں وَدھ افراد زخمی ہوچکے نیں۔