حکومت ملی تے لہور توں سیالکوٹ تک ٹرین چلاواں گے:نوازشریف

سیالکوٹ (پنجابی میڈیاگروپ)قائد پاکستان مسلم لیگ ن میاں محمد نوازشریف نے آکھیا اے کہ سیالکوٹ باوفا تے بہادرلوکاں دا شہر اے، سیالکوٹ دے لوگ کہہ رہے نیں نواز شریف لویو ،حکومت ملی تے لہور توں سیالکوٹ تک ٹرین چلاواں گے۔میاں نوازشریف دا کہنا سی کہ خواجہ آصف نال میرا تعلق زمانہ طالب علمی توں اے، خواجہ آصف دوست،سیاست دان ہی نہیں بہترین انسان وی نیں، ساڈھا خواجہ آصف دے نال55سال دا تعلق اے،اسیں اکٹھے گورنمنٹ کالج لہور وچ گریجوایشن کیتی۔اونہاں نے ہورآکھیا کہ سیالکوٹ نال مینوں عشق اے، جَد میں باہروں آیا تے میںآکھیا کہ خواجہ صاحب اسیں سیالکوٹ جانا اے،سیالکوٹ موٹر وے اسیں بنائی لیکن افتتاح دا موقع نہیں ملیا۔قائد ن لیگ دا کہنا سی کہ کون کہندا اے کہ یوتھ مسلم لیگ ن دے نال نہیں اے،سارا جلسہ ہی 30ورھے توں گھٹ عمر والے نوجواناںدااے، حکومت وچ آئے تے لہور توں سیالکوٹ تک ٹرین شروع کراں گے، نوجواناںنوں پیراں اُتے کھڑا کراں گے، شہباز شریف نے نوجواناں نال لیپ ٹاپ تے آئی پیڈدی گل کیتی اے جیہڑے سب نوں ملن گے۔