ملک نوں آئین و قنون بغیر نہیں چلایا جا سکدا،مولانا فضل الرحمان
لاڑکانہ(پنجابی میڈیاگروپ)سربراہ جمعیت علمائے اسلام(ف)مولانا فضل الرحمان نے آکھیا اے کہ ملک نوں آئین و قنون بغیر نہیں چلایا جا سکدا، خطے دے ملک ساڈھے توں بوہت اگے نکل چکے نیں۔لاڑکانہ وچ جلسے نال خطاب کر دیاں ہویاں مولانا فضل الرحمان دا کہنا سی کہ خوشی تے سعادت دی گل اے کہ لاڑکانہ تے شہدادکوٹ دے کارکناں نال ملاقات ہو رہی اے۔اونہاں نے آکھیاکہ منصب تے حلف دا تقاضا اے کہ حکمران عوام دی خدمت کرن،سیاستدان الیکشن دے بعد عوامی مسائل حل کرن دا وعدہ بھُل جاندے نیں، ساہنوں خیبرپختونخوا وچ حکومت ملی تے جانوراں تے درختاں لئی وی قنون سازی کیتی۔سربراہ جے یو آئی ف دا کہنا سی کہ چاہے عوام ہو یا سیاست دان کوئی وی اجے تک ذمہ داری نہیں نبھا رہیا، پاکستان تنزلی دی انتہا اُتے اے، کِدھرے تے خرابی اے، ساڈھے ملک وچ ڈاکو طاقتور تے پلس کمزور اے۔
