شہزاد اکبر دا جسٹس قاضی فائز عیسیٰ دے سوالاں دے جواب دین توں انکار

اسلام آباد: شہزاد اکبر نے جسٹس قاضی فائز عیسیٰ دے سوالاں دے جواب دین توں انکار کردیاں آکھیا اے جسٹس قاضی فائز عیسیٰ ملزم نیں اوہ میرے توں سوال نہیں کر سکدے۔

سپریم کورٹ وچ جسٹس قاضی فائز عیسیٰ کیس دی سنوائی لئی وزیراعظم دے معاون خصوصی برائے احتساب شہزاد اکبر سپریم کورٹ اپڑے۔ ایس موقع تے اوہناںآکھیا قاضی فائز عیسیٰ ایس کیس وچ ملزم اے، ملزم کسے دوجے توں کیویں سوال کر سکدا اے، کٹہرے وچ کھڑے ملزم نوں جواب نہیں دتا جاندا۔

شہزاد اکبر دا کہنا سی جسٹس قاضی فائز عیسیٰ نے میرے توں سوالات کیتے نیں، عدالت نے ایہناں دے الزامات تے میرے توں پچھیا تے عدالت وچ جواب دیواں گا۔