اثاثہ جات کیس، شہباز شریف نے نیب وچ پیش ہون دی بجائے جواب جمع کرا دتا

لہور: آمدن توں ودھ اثاثہ جات کیس وچ اپوزیشن لیڈر شہباز شریف نے نیب وچ پیش ہون دی بجائے جواب جمع کرا دتا۔

شہباز شریف دے نمائندہ محمد فیصل نے اثاثہ جات دے حوالہ توں تفصیلی جواب جمع کروایا۔ شہباز شریف ہائی کورٹ وچ قبل از گرفتاری ضمانت دی تریخ نہ ملن تے پیش نہیں ہوئے۔

اودھر اپوزیشن لیڈر شہباز شریف نے منی لانڈرنگ کیس وچ نیب وچ گرفتاری دے خدشے پاروں لہور ہائی کورٹ وچ عبوری درخواست ضمانت دائر کیتی سی پر سابق جج شریف حسین بخاری دے انتقال دی وجہ توں درخواست تے سماعت نہ ہو سکی تے چیف جسٹس لہور ہائی کورٹ قاسم علی نے شہباز شریف دی عرضی نوں اج سماعت لئی مقرر کر دتا اے۔

شہباز شریف ولوں درخواست ضمانت وچ موقف اختیار کیتا گیا سی کہ سارے اثاثے ڈکلیئر نیں، نیب دے کول منی لانڈرنگ دے کوئی ثبوت موجود نہیں، الزامات جھوٹے تے بنیاد نیں ایس لئی گرفتاری توں روکیا جاوے۔