دیس وچ کوئی جمہوریت نہیں، مخالفاں نوں جیلاں وچ سُٹیا جا رہیا اے: سعد رفیق

لہور: خواجہ سعد رفیق دا کہنا اے کارکردگی دے لفظ دا پی ٹی آئی سرکار وچ کوئی ناں نہیں، اپوزیشن متحد نہیں جہدے ذمہ دار سب نیں، دیس وچ کوئی جمہوریت نہیں، مخالفاں نوں جیلاں وچ سُٹیا جا رہیا اے۔

لیگی رہنما خواجہ سعد رفیق نے میڈیا نال گل کردیاں آکھیا اپوزیشن دا اکٹھے نہ ہونا اک المیہ اے جہدے اسیں سب ذمہ دار آں، تسیں گردن تے گریبان توں پھڑیا ہویا اے ، جہڑے دیس وچ قائد حزب اختلاف نوں ہر ویلے کٹہرے وچ کھڑیا کیتاجاوے اوتھے کہڑی جمہوریت اے، ایس جمہوریت نے ریاست پاکستان نوں جنگل وچ تبدیل کر دتا اے، پاکستان وچ بدقسمتی نال جمہوریت نے اوہ سفر طے نہیں کیتا جہڑا کیتا جانا چاہیدا سی۔

سعد رفیق دا کہنا سی پاکستان وچ چار مارشل لاءآئے، پاکستان آزاد ہو گیا پر آزادی صرف اشرافیہ تک رہی، عام بندے تک نہیں اپڑی۔

شہباز شریف ایہناں مشکلاں توں نکل جاوے گا۔ اوہناں آکھیا این ڈی ایم اے ناگہانی آفتاں لئی ہوندا اے، ایتھے آپ آفتاں پیدا کیتی جا رہیاں نیں۔