بلوچستان دھماکے:نگران وزیر اطلاعات دا3روزہ سوگ دااعلان

کوئٹہ(بیورورپورٹ)نگران وزیراطلاعات بلوچستان جان اچکزئی نے پشین تے قلعہ سیف اللہ وچ دھماکیاں وچ شہید ہون والیاں نوں خراج عقیدت پیش کرن لئی 3 روزہ سوگ دااعلان کیتا اے۔نگران وزیر اطلاعات بلوچستان جان اچکزئی نے آکھیا اے بھارت عالمی اَت گرد!ایہ اوہی لوگ نیں جیہڑے مچھ دے واقعے وچ ملوث رہے نیں،واقعات وچ زخمی ہون والیاں نوں علاج معالجہ لئی کوئٹہ گھلیا جارہیا اے۔اونہاں نے آکھیا کہ اسیں اپنے شہیداں دا بدلہ لاں گے، بھارتی اَت گردی دے ایجنڈے نوں نیست و نابود کراں گے، اَت گرداں دے خلاف جنگ جاری رہے گی،جان اچکزئی دا ہورکہنا سی کہ بلوچستان دی عوام اج پرامن طریقے نال حق رائے دہی استعمال کرے گی، پلس تے لیوی دے علاوہ آرمی دے جواناں نوں وی سدھیا جاسکدا اے، اسیںکل اینہاں اَت گرداں دے مذموم مقاصدنوں خاک وچ ملادیاں گے،بلوچستان ملک دے دُوجے حصیاں ونگوں پُرامن الیکشن ڈلیورکرے گا۔