کورونا بے قابو، اک ای دیہاڑے ریکارڈ 3ہزار 938نویں کیسز، ہور 78بندے جاں بحق
لہور: پاکستان وچ کورونا دے متاثرین تیزی نال ودھن لگے، دیس بھر وچ کورونا دے تصدیق شدہ کیساں دی تعداد 76ہزار398تک اپڑ گئی جد کہ اک دن وچ 78بندے جاں بحق ہو گئے جہدے بعد موتاں دی تعداد اک ہزار 621ہو گئی۔
نیشنل کمانڈ اینڈ آپریشن سنٹر دے تازہ ترین اعداد و شمار دے مطابق پچھلے 24گھنٹیاں دے دوران 3 ہزار 938 نویںکیسز رپورٹ ہوئے، پنجاب وچ 27 ہزار 850، سندھ وچ 29 ہزار 647، خیبر پختونخوا وچ 10 ہزار 485، بلوچستان وچ 4 ہزار 514، گلگت بلتستان وچ 738، اسلام آباد وچ 2 ہزار 893 جد کہ آزاد کشمیر وچ 271 کیسز رپورٹ ہوئے۔
دیس بھر وچ ہن تک 5 لکھ 77 ہزار 974 بندیاں دے ٹیسٹ کیتے گئے، پچھلے24 گھنٹیاںدے دوران 16 ہزار 548 نویںٹیسٹ کیتےگئے، ہن تک 27 ہزار 110 مریض صحت یاب ہوچکے نیںجد کہ کئی مریضاں دی حالت تشویشناک اے۔پاکستان وچ کورونا نال اک دن وچ 78 بندے جاں بحق ہوگئے جہدے بعد وائرس نال مرن والیاں دی تعداد اک ہزار 621 ہوگئی۔ سندھ وچ 503، پنجاب وچ 540، خیبر پختونخوا وچ 482، گلگت بلتستان وچ 11، بلوچستان وچ 49 تے اسلام آباد و چ 30 مریض جان توں ہتھ دھو بیٹھے۔
