ریٹرننگ افسراں نوں کئی حلقیاں دا نتجہ جاری کرن توں روک دتا گیا

اسلام آباد(بیورورپورٹ)الیکشن کمیشن نے ریٹرننگ افسراں نوں الیکشن2024 وچ قومی تے صوبائی اسمبلی دے کئی حلقیاں اُتے امیدواراںدی کامیابی دے نوٹیفکیشن جاری کرن توں روک دتا ۔چیف الیکشن کمشنر دی سربراہی وچ4رکنی بنچ نے این اے48 وچ نتیجے دی مبینہ تبدیلی اُتے سماعت کیتی۔تحریک انصاف دے امیدوار علی بخاری دے وکیل نے دلائل دتے کہ علی بخاری فارم45 دے مطابق کامیاب ہوئے، ریٹرننگ افسر نے ساڈھی استدعا دے اُلٹ فارم47جاری کر دتا،ساڈھی50ہزار دی لیڈ نوں ختم کیتا گیا۔الیکشن کمیشن نے استحکام پارٹی دے نامزد کامیاب آزاد امیدوار راجہ خرم نواز نوں نوٹس جاری کر دیاں ہویاں ریٹرننگ افسر نوں اسلام آباد توں این اے 47 تے48 دے حتمی نوٹیفکیشن جاری کرن توں روک دتا۔