نوجواناں دا جمہوریت اُتے یقین،ولولہ، تعمیر ملت دا عظم تریخ رقم کرے گا،صدرمملکت

اسلام آباد(بیورورپورٹ)صدرمملکت ڈاکٹر عارف علوی نے آکھیا کہ نوجواناں دا جمہوریت اُتے یقین، ولولہ، تعمیر ملت دا عظم انشاء اللہ تریخ رقم کرے گا۔صدر مملکت ڈاکٹر عارف علوی نے سماجی رابطے دی ویب سائٹ اُتے پیغام وچ آکھیاکہ پاکستانی عوام نوں مبارکباد پیش کردا ہاں، خاص طور اُتے عورتاں نوں جیہڑیاں شدید مشکلاں دے باوجود وڈھی تعداد وچ باہر نکلن، اینہاں عورتاں نے جمہوریت دی مضبوطی لئی ووٹ دتا، نوجوان وی بالخصوص داد دے مستحق نیں۔صدر مملکت نے آکھیا کہ نوجواناں نے ووٹنگ دے عمل وچ پُرامن طریقے نال حصہ لے کے ملک دی نَس پَج سنبھالن دا فیصلہ کیتا اے، شدید مالی بحران توں نکلن، مشکل فیصلے کرن تے ماضی دیاں تلخیاں دور کرن لئی اک حقیقی مینڈیٹ ضروری سی جیہڑا کہ نظر آرہیااے۔