قومی تے صوبائی اسمبلیاں دے کئی آزاد امیدوار مسلم لیگ (ن) وچ شامل

لہور(پنجابی میڈیا)الیکشمن2024 وچ کامیاب ہون والے قومی تے صوبائی اسمبلیاں دے8آزاد امیدواراں نے مسلم لیگ(ن) وچ شامل ہون دااعلان کردتا اے۔تفصیل دے مطابق الیکشن2024 دا نتجہ آن توں بعد آزاد امیدواراں نے باقاعدہ سیاسی پارٹیاں وچ شامل ہونا شروع کر دتا اے، این اے48 توں آزاد امیدوار راجہ خرم نواز، این اے54 توں آزاد امیدوار بیرسٹر عقیل ملک تے این اے 146 توں منتخب ہون والے آزاد امیدوار پیر ظہور حسین قریشی مسلم لیگ(ن) وچ شامل ہو گئے۔ دُوجے پاسے قومی اسمبلی دے حلقہ این اے189 توں آزاد امیدوار سردار شمشیر مزاری، این اے 253 توں آزاد امیدوار بیرسٹر میاں خان بگٹی تے پنجاب دے حلقہ پی پی48 توں آزاد امیدوار خرم ورک، حلقہ پی پی49 توں آزاد امیدوار رانا محمد فیاض تے پی پی240 توں آزاد امیدوار محمد سہیل مسلم لیگ (ن) وچ شامل ہو گئے۔