رکن قومی اسمبلی منیر خان اورکزئی دل دا دورہ پین نال انتقال کر گئے
اسلام آباد: جے یو آئی (ف) دے رہنما تے ضلع کرم توں رکن قومی اسمبلی منیر خان اورکزئی انتقال کر گئے۔ منیر خان اورکزئی نوں رات نوںدل دا دورہ پیا جہڑا جان لیوا ثابت ہویا۔
منیر خان دا 24اپریل نوں کورونا ٹیسٹ مثبت آیا سی پر اک ہفتہ پہلاں اوہ صحت یاب ہو گئے سن۔ 15
مئی نوں اوہناں نے قومی اسمبلی دے اجلاس وچ رلت کیتی سی جہدے دوران اوہناں دی طبیعت اچانک ناساز ہو گئی سی تے ابتدائی طبی معائنے دے بعد اوہناں نوں ایمبولینس وچ ہسپتال منتقل کر دتا گیا سی۔
اوہناں نوں کجھ عرصے تک حیات آباد میڈیکل کمپلیکس پشاور وچ وینٹی لیٹر تے وی رکھیا گیا سی۔
