جنوبی ایشیا وچ دیرپا امن دا قیام طویل تنازعات حل کرن نال ممکن اے: آرمی چیف
راولپنڈی: آرمی چیف جنرل قمر جاوید باجوہ آکھیا اے جنوبی ایشیا وچ دیرپا امن دا قیام طویل تنازعات نوں حل کرن نال ممکن، علاقائی امور طے کرن لئی عالمی حمایت تے عزم ضروری اے۔
پاک فوج دے شعبہ تعلقات عامہ (آئی ایس پی آر) دے مطابق پاک فوج دے سپہ سالار جنرل قمر جاوید باجوہ نے کمانڈ اینڈ سٹاف کالج کوئٹہ دا دورہ کیتا۔
کوئٹہ اپڑن تے کمانڈر سدرن کمانڈ لیفٹیننٹ جنرل وسیم اشرف نے آرمی چیف دا استقبال کیتا۔ کمانڈنٹ کمانڈ اینڈ سٹاف کالج کوئٹہ لیفٹیننٹ جنرل ندیم احمد انجم وی ایس موقع تے موجود سن۔
آئی ایس پی آر دے مطابق ایس موقع تے آرمی چیف نے سٹاف کالج دے اساتذہ تے افسراں نال خطاب وچ سکیورٹی چیلنجاں تے وی گل کیتی۔
اوہناں دا کہنا سی بہترین تربیت دی حامل پیشہ وارانہ صلاحیت رکھن والی فوج ای امن دی ضمانت ہوندی اے۔ عوام دی حمدیت دے نال پاک فوج امن دی ضامنفورس اے۔
آرمی چیف جنرل قمر جاوید باجوہ آکھیا جنوبی ایشیا وچ دیرپا امن دا قیام طویل تنازعات نوں حل کرن نال ای ممکن اے۔
ایہ اوس ویلے ممکن اے جدوں علاقائی امور طے کرن لئی عالمی حمایت حمایت تے عزم وی نال ہووے۔جنرل قمر جاوید باجوہ دا کہنا سی پاک فوج دوجے ریاستی اداریاں دے نال رل کے کورونا وباءدے چیلنج نال نبرد آزما ہون لئی ہر کاروائی کرے گی۔
