اسرائیل جنگ بندی اُتے راضی ہوگیا،امریکا

واشنگٹن(بیورورپورٹ) امریکا نے دعوی کیتا اے کہ اسرائیل غزہ وچ جنگ بندی لئی تیارہوگیا لیکن ہُن گیند حماس دے کورٹ وچ اے۔عالمی خبر رساں ادارے مطابق اک سینیئر امریکی اہلکار نے اے ایف پی نوںدسیا کہ قطر وچ ہون والے غزہ جنگ بندی مذاکرات وچ مثبت پیشرفت ہوئی اے تے اسرائیل جنگ بندی لئی تیارہوگیا۔سینئر امریکی اہلکار نے ہور دسیا کہ اسرائیل نے جنگ بندی دے معاہدے دے اکثر نکات اُتے اتفاق کرلیا اے۔اگر حماس راضی ہوجائے تے غزہ وچ6ہفتے دی جنگ بندی چھیتی ممکن اے۔سینیئر امریکی اہلکار دے بقول ایسا تَد ہی ممکن ہوسکے گا جَد حماس معاہدے دی اسرائیلی یرغمالیاں دی رہائی بارے شق اُتے عمل درآمد دی یقین دہانی کرا دیوے۔سینیئر امریکی اہلکار نے ایہ وی دسیا کہ امریکا جنگ نل تباہ حال غزہ وچ انسانی امداد دی وَنڈ ہیلی کاپٹراں ذریعے کرنا چاہندا اے۔لیکن اسرائیل تے حماس ولوں غزہ جنگ بندی مذاکرات بارے کوئی بیان سامنے نہیں آیا۔