نومنتخب وزیراعظم شہباز شریف نے عہدے دا حلف چُک لیا

اسلام آباد(بیورورپورٹ)ملک دے24ویں وزیراعظم شہبازشریف نے اپنے عہدے دا حلف چُک لیا،صدرمملکت ڈاکٹر عارف علوی نے اونہاں توں ایوان صدر وچ عہدے دا حلف لیا۔نجی چینل دے مطابق شہباز شریف دی حلف برداری تقریب ایوان صدر وچ ہوئی جس وچ نگراں وزیراعظم، چئیرمین سینیٹ، اسپیکر قومی اسمبلی، ن لیگ قائد نواز شریف، آصف زرداری، چاروں گورنر، چاروں وزیر اعلی سنے اعلی عسکری و سول قیادت نے رَلت کیتی۔تقریب دا آغاز تلاوت کلام پاک نال ہوا جس دے بعد صدر مملکت نے نومنتخب وزیراعظم شہباز شریف توں حلف لیا، شہباز شریف نے عارف علوی دے آکھے گئے الفاظ دہرائے تے مملکت لئی بلا عنادوتفریق کم کرن دا عزم ظاہر کیتا۔حلف دے بعد رَلتیاں نے مبارک باد پیش کیتی جدکہ وزیراعظم ہائوس وچ مسلح فوج ولوں اونہاں نوں گارڈ آف آنر پیش کیتا گیا۔