کوئٹہ سنے بلوچستان بھر وچ سمارٹ لاک ڈائون وچ 15دیہاڑ دا وادھا

کوئٹہ: کوئٹہ سنے بلوچستان بھر وچ سمارٹ لاک ڈائون وچ 15دیہاڑ دی توسیع کر دتی گئی۔ ایس دوران سرکار ولوں احتیاطی تدابیر دے نال کاروبار کرن دی ہدایات جاری کردتیاں۔

محکمہ داخلہ ولوں سمارٹ لاک ڈائون وچ توسیع بارے نوٹیفکیشن جاری کر دتا گیا۔ سمارٹ لاک ڈائون دے تحت کاروباری مراکز، دوکاناں ہفتے وچ 6دیہاڑ صبح 9وجے توں شام 7وجے تک کھلی رہن گیاں۔ جمعہ دے دیہاڑ سارے کاروباری مراکز تے دکاناں بند رکھیاں جان گیاں۔

نوٹیفکیشن دے مطابق دودھ دہی دی دوکاناں، تندور، میڈیکل سٹورز پورا ہفتہ 24گھنٹے اپنا کاروبار جاری رکھ سکن گے۔

ریسٹورنٹ 24گھنٹے صرف پارسل تے ٹیک اوے دی سہولت فراہم کر سکن گے۔ انٹر سٹی تے انٹر ڈسٹرکٹ پبلک ٹرانسپورٹ تے پابندی برقرار رہوے گی، مذہبی، سماجی تے دوجی تقریبات تے وی پابندی لاگو رہوے گی۔ محکمہ داخلہ دے مطابق سارے تعلیمی ادارے وی 15جولائی تک بن درہن گے۔

سینما، پکنک پوائنٹس، شادی ہال، میرج ہال، جم تے کلبس تے لاگو پابندی برقرار رہوے گی۔