وزیر اعلیٰ پنجاب نے ایمرجنسی مریضاں لئی اپنا ہیلی کاپٹر استعمال کرن دی اجازت دے دتی
لہور(پنجابی میڈیا)وزیراعلی پنجاب مریم نواز شریف نے دور دراز علاقیاں توں مریضاں دی ایمرجنسی منتقلی لئی اپنا ہیلی کاپٹر استعمال کرن دی اجازت دے دتی۔مریم نواز شریف دی زیر صدارت اہم اجلاس ہویا جس وچ ایئرایمبولینس پراجیکٹ اُتے تفصیلی بریفنگ دتی گئی ۔ مریم نواز شریف نے آکھیا کہ ساڈھے لوگ ویلے اُتے ہسپتال نہ پہنچن پاروں ہی زندگی دی بازی ہار جاندے نیں، دور دراز علاقیا ں وچ حادثے دی صورت متاثرین نوں بروقت ہسپتال پہنچانا ناگزیر اے،سرگودھا ہسپتال وچ ہارٹ اٹیک دے مریض نوں بے بس ویکھ کر دلی دُکھ ہویا،موٹروے اُتے وی ریسکیو 1122سروس شروع کیتی جائے گی۔
