ایف آئی اے نے رکن قومی اسمبلی شیر افضل مروت نوں سَدھ لیا

اسلام آباد(بیورورپورٹ)ایف آئی اے نے تحریک انصاف دے رہنما تے رکن قومی اسمبلی شیر افضل مروت نوںسدھ لیا اے۔تفصیل دے مطابق رکن قومی اسمبلی شیر افضل مروت نوں متنازع ٹویٹ اُتے وفاقی تحقیقات ایجنسی (ایف آئی اے)نے 18 مارچ نوںسدھیا اے، سدھن دا سمن ایف آئی اے سائبر کرائم اسلام آباد ولوں جاری کر دتا گیا۔دُوجے پاسے شیر افضل مروت نے نجی ٹی وی نوں انٹرویو دیندیاں ہویاں آکھیا کہ اسیں 2 فیصلے غلط کیتے جس دی بھاری قیمت ادا کر رہے ہاں، پہلی غلطی اوس ویلے ہوئی جَد بانی پی ٹی آئی نے جمعیت علمائے اسلام (شیرانی) توں الائنس دا آکھیا، ایس حوالے نال اسد قیصر، بیرسٹر گوہر تے مینوں ٹاسک دتا گیا، اسیں شیرانی صاحب نال کئی میٹنگاں کیتیاں۔شیر افضل مروت نے آکھیا بلوچستان، کے پی وچ شیرانی گروپ دے نال کجھ سیٹاں دی ایڈجسٹمنٹ اُتے بانی پی ٹی آئی تیار ہو گئی، اوس دے بعد اسیں میڈیا وچ اعلان کر دتا کہ شیرانی صاحب نال اتحاد ہو گیا اے فیر 3،4 دناں بعد اچانک شیرانی صاحب دی پارٹی دا پتہ کٹ گیا تے بلے باز سامنے آگیا، بلے باز نوں کون لیایا؟شیرانی صاحب نوں کیوں ہٹایا؟ ایہ سوالیہ نشان اے۔