ننکانہ صاحب رمضان المبارک دے آندیاں ہی شہر وچ کاروباری بھکاریاںدی یلغار
ننکانہ صاحب(بیورورپورٹ)رمضان المبارک دے آندیاں ہی شہر وچ کاروباری بھکاریاں دی یلغار صبح سویرے ہی عورتاں شیر خوار بالاں تے بوڑھے نوجوان کُڑیاں دے نال بازاراں وچ نکل پیندے نیں ۔حکام بالا توں فوری کاروائی دا مطالبہ۔تفصیل دے مطابق چائلڈ پروٹیکشن بیورو تے ضلعی انتظامیہ دی مبینہ غفلت تے لاپرواہی پاروں بھیک منگن والے بالاںدی تعداد وچ بڑی حد تک اضافہ ہوگیا اے صبح سویرے ہی عورت بھکارناں شیر خوار بالاں نوں چُکیاں جَد کہ بوڑھے بھکاری نوجوان کُڑیاں نوں نال لے کے شہر وچ منگنا شروع کر دیندے نیں ایس ویلے سڑکاں اُتے 6مہینیاں توں لے کے 10ورھے دی عمر تک دے بال بھیک منگن وچ مصروف نیں جَد کہ بعض بھکاری نشہ آور شیواں وی استعمال کر رہے نیں۔
