سندھ حکومت دا صوبہ بھر وچ کنک خریدن دا عمل20مارچ توں شروع کرن دافیصلہ

کراچی (بیورورپورٹ)سندھ حکومت نے صوبہ بھروچ کنک خریدن دا عمل20مارچ شروع کرن دا فیصلہ کیتا اے۔ایس ضمن وچ وزیر خوراک سندھ جام خان شورو نے آکھیاکہ سندھ حکومت کنک خریدن دا عمل20مارچ توں شروع کرے گی تے صوبہ بھر وچ353کنک خریدندے مرکز قائم کیتے جان گے۔اونہاں نے آکھیاکہ محکمہ خوراک سندھ نے حیدرآباد ڈویژن وچ78، لاڑکانہ ڈویژن وچ 71، سکھر وچ68، شہید بینظیرآباد58، میرپورخاص ڈویژن وچ40 تے سانگھڑ وچ38 کنک خریدن دے مرکز قائم کیتے جان گے۔جام خان شورو نے آکھیاکہ محکمہ خوراک سندھ ولوں کنک خریدن لئی مکمل اقدام کیتے گئے نیں،سندھ حکومت نے فی من کنک دی قیمت 4 ہزار روپے مقرر کیتی اے، سندھ وچ9لکھ ٹن کنک خریدن دا ہدف مقررکیتا گیا اے۔