میئر اسلام آباد دی معطلی، وفاقی حکومت دی سنگین غلطیاں دا انکشاف، حکم نامہ جاری

اسلام آباد: اسلام آباد ہائی کورٹ نے میئر اسلام آباد دی بحالی دا 13ورقیاں دا حکم نامہ جاری کر دتا جہدے وچ میئر اسلام آباد دی معطلی دے حوالے نال وفاقی حکومت دی سنگین غلطیاں دا انکشاف کیتا گیا اے۔

تفصیلی فیصلے وچ آکھیا گیا کہ حکومت صرف قنون دے مطابق میئر اسلام آباد نوں معطل کر سکدی اے، قنون دے مطابق جہڑے بندے تے الزام لگیا اوہنوں صفائی دا موقع وی ملنا چاہیدا اے، میئر اسلام آباد دی معطلی وچ قنون نوں نظر انداز کر دتا گیا۔

اسلام آباد ہائی کورٹ نے اپنے فیصلے وچ لکھیا میئر اسلام آباد تے انکوائری وچ اثر انداز ہون دا الزام لگیا پر ثبوت کوئی نہیں، میئر اسلام آباد تے الزامات لائے گئے پر صفائی دا موقع نہیں دتا گیا، صرف الزامات تے کمیشن نے میئر اسلام آباد نوں معطل کرن دی سفارش کیتی۔