آمدن توں ودھ اثاثہ جات تے منی لانڈرنگ کیس وچ شہباز شریف دی ضمانت منظور

لہور: ہائی کورٹ نے آمدن توں ودھ اثاثہ جات تے منی لانڈرنگ کیس وچ شہباز شریف دی عبوری ضمانت منظور کر لئی۔

جسٹس طارق عباسی تے جسٹس فاروق حیدر تے مشتمل لہور ہائی کورٹ دے دو رکنی بنچ نے امدن توں ودھ اثاثیاں تے منی لانڈرنگ کیس وچ شہباز شریف دی عبوری درخواست ضمانت تے سنوائی کیتی۔

ایس موقع تے شہباز شریف اپنے وکیلاں تے پارٹی رہنماواں دے نال موجود سن۔

شہباز شریف دے وکیل تے نیب پراسیکیوٹر دے دلائل سنن دے بعد فاضل عدالت نے پنج لکھ روپے دے مچلکیاں دے عوض شہباز شریف دی ضمانت منظور کر لئی۔

عدالت نے نیب نوں حکم دتا شہباز شریف نوں 17جون تک گرفتار نہ کیتا جاوے۔ شہباز شریف دی پیشی دے موقع تے لیگی کارکناں نے زبردستی کمرہ عدالت وچ وڑن دی کوشش کیتی۔

ایس موقع تے (ن) لیگی کارکناں تے سکیورٹی اہلکاراں وچ تلخ کلامی وی ہوئی۔ضمانت دی منظوری دے بعد نیب نے شہباز شریف نوں 9جون نوں دوبارہ طلب کر لیا اے۔

آمدن توں ودھ اثاثہ جات تے منی لانڈرنگ کیس وچ شہباز شریف نوں 9جون نوں دوپہر 12وجے دوبارہ طلب کیتا گیا اے۔