ایل این جی ریفرنس دی واپسی شاہد خاقان دی بے گناہی دا ثبوت اے،سعد رفیق

لہور(پنجابی میڈیا)رہنما مسلم لیگ ن و سابق وفاقی وزیر خواجہ سعد رفیق نے آکھیا اے کہ موجودہ حکومتدے نقاد شاہد خاقان عباسی تے مفتاح اسماعیل خلاف ایل این جی ریفرنس دی میرٹ اُتے واپسی اونہاں دی بے گناہی دا ثبوت اے۔سماجی رابطے دی ویب سائٹ ایکس(سابقہ ٹوئٹر) اُتے اپنے اک پیغام وچ لیگی رہنما خواجہ سعد رفیق دا کہنا سی کہ سابق وزیراعظم شاہد خاقان عباسی تے اونہاں دے رفقا نوں طویل عرصہ تک نواز شریف دا ساتھ دین دی پاداش وچ سیاسی انتقام دا نشانہ بنایا گیا۔اونہاں دا ہور کہنا سی کہ بانی پی ٹی آئی تے ثاقب نثار گٹھ جوڑ نے نیب نوںمخالفاں دے خلاف تلوار ونگوں استعمال کیتا، بانی پی ٹی آئی نے خود آکھیا سی کہ شاہد خاقان جیل جانا چا ہندے سن اسیں گھل دتا۔