بشری بی بی نوں زہر دین دے شواہد نہیں ملے، عدالت نے درخواست نمٹا دتی

اسلام آباد(بیورورپورٹ)اسلام آباد ہائیکورٹ نے بشری بی بی نوں زہر دین دے کوئی شواہد نہ ملن اُتے دعوی مسترد کر دیاں ہویاں درخواست نمٹا دتی۔بشری بی بی نوں زہر دتے جان دے خدشے پاروں میڈیکل چیک اپ دی درخواست اُتے جسٹس میاں گل حسن اورنگزیب نے سماعت کیتی، جسٹس میاں گل حسن اورنگزیب نے استفسار کیتا کہ، کیا بشری بی بی دے ٹیسٹ کرالئے گئے نیں تے کیا بشری بی بی ٹھیک نیں؟سرکاری وکیل عبدالرحمان نے عدالت نوںدسیاکہ بشری بی بی دے شفا ہسپتال توں ٹیسٹ کرائے گئے نیں، ڈاکٹر عاصم یوسف دی نگرانی وچ ٹیسٹ کرائے گئے، بشری بی بی بالکل ٹھیک نیں۔جسٹس میاں گل حسن اورنگزیب نے استفسار کیتا کہ زہر بارے کیہ اے؟،جس اُتے سرکاری نے جواب دتا کہ زہر دے کوئی اثرات نہیں پائے گئے بعد وچ عدالت عالیہ نے دوناں فریقاں دے دلائل سنن دے بعد بانی پی ٹی آئی دی گھر والی بشری بی بی نوں زہر دتے جان دے خدشے پاروں میڈیکل چیک اپ دی درخواست نمٹا دتی۔