میرا بانی سنے کسی پی ٹی آئی رہنما نال رابطہ نہیں،شیخ رشید

راولپنڈی(بیورورپورٹ)سربراہ عوامی مسلم لیگ تے سابق وفاقی وزیر شیخ رشید احمد نے آکھیا اے کہ میرا بانی سنے کسی پی ٹی آئی رہنما نال کوئی رابطہ نہیں۔راولپنڈی دی انسداد دہشت گردی عدالت باہر میڈیا نال گل بات کر دیاں ہویاں شیخ رشید دا کہنا سی کہ پی ٹی آئی مذاکرات اُتے شبلی فراز ہی کجھ کہہ سکدے نیں، آئین وچ ڈپٹی وزیراعظم دا کوئی عہدہ نہیں، نائب وزیرِ اعظم جاتی امراداآئین اے۔اونہاں نے آکھیا کہ آئندہ 2مہینے اقتصادی تباہی وَل لے جان گے، صنعت کار سرمایہ دار پہلاں ہی رو رہیا سی ہُن کاشتکار وی رو رہیا اے، کنک دی خریداری شروع ہی نہیں ہوئی، ہُن تے حال ایہ اے کہ محلہ دی دکان والا وی ادھار نہیں دے رہیا۔سابق وفاقی وزیر داہور کہنا سی کہ جنہاں لوکاں اُتے الزام ثابت نہیں اونہاں نوں جیلاں توں رہا کیتا جائے، نیب کنک سکینڈل دا فوری نوٹس لئے، حکومت نوں پالیسیاں اُتے نظر ثانی کرنا پئے گی، سیاست 2مہینیاں وچ اپنا رنگ وکھائے گی۔