پی ٹی آئی چھڈی نہیں،چھڈن والے واپس آندے نیں،فواد چودھری

راولپنڈی(بیورورپورٹ)سابق وفاقی وزیرفوادچودھری نے آکھیا اے کہ پی ٹی آئی چھڈی نہیں، چھڈ کے جان والے واپس آندے نیں۔انسداد دہشتگردی عدالت راولپنڈی دے باہر میڈیا نال گل بات کر دیاںہویاں فواد چودھری داکہنا سی کہ موجودہ حکومت دی کوئی ساخت نہیں، فارم47 اُتے کھڑی اے، مولانا نے فیصلہ کر لیا کہ حکومت پاٹے گی، اگر پی ٹی آئی تے مولانا اکٹھے ہوگئے تے ایہ حکومت3توں4مہینے توں وَدھ نہیں چلے گی۔اونہاں نے آکھیا کہ بانی پی ٹی آئی یا مولانا صاحب نے کسی دے نال نہیں بیٹھنا ،اپنے اپنے اصولاں اُتے رہنا اے،ایہ حکومت دھاندلی نال آئی اے،اسیں مشکل صورتحال توں گزر رہے ہاں، چا ہندے ہاں کہ تلخیاں گھٹ ہون۔