آئی ایم ایف ولوں اسٹیٹ بینک نوں1.1ارب ڈالرزموصول

اسلام آباد (بیورورپورٹ)عالمی مالیاتی فنڈ(آئی ایم ایف)ولوں سٹیٹ بینک نوں1.1ارب ڈالرز موصول ہوگئے۔آئی ایم ایف بورڈ نے سٹینڈ بائی اریجمنٹ تحت دُوجا جائزہ مکمل کرلیا، ایگزیکٹو بورڈ توں منظوری بعد ہُن سٹیٹ بینک نوں 1.1 ارب ڈالرز موصول ہوگئے۔ذرائع سٹیٹ بینک مطابق 3 مئی نوں ختم ہون والے ہفتے وچ ایہ رقم زرمبادلہ دے ذخائر وچ ظاہر ہوئے گی۔ واضح رہے کہ پچھلے ورھے پاکستان نے آئی ایم ایف دے نال سٹینڈ بائی معاہدہ کیتاسی جس دے مطابق ایہ تریجی تے آخری قسط اے، ایس توں پہلاں پاکستان 1.9 ارب ڈالر وصول کرچکیا اے، دُوجے پاسے حکومت آئی ایم ایف توں1ہور پروگرام لین دا فیصلہ کرچکی اے جس لئی مذاکرات شروع وی ہوگئے نیں۔