مولانا دے مارچ نال سختی کرن دا کوئی ارادہ نہیں،رانا ثنا اللہ

اسلام آباد(بیورورپورٹ)مشیر وزیراعظم رانا ثنا اللہ نے آکھیا اے کہ مولانا فضل الرحمان دے مارچ نال سختی کرن دا کوئی ارادہ نہیں۔وزیراعظم دے مشیر رانا ثنا اللہ نے آکھیا اے کہ نواز شریف تے شہباز شریف نال مولانا فضل الرحمان دے ذاتی تعلقات نیں، اونہاں نال گل کراں گے،ماضی وچ وی گل ہوئی اے، مولانا دی گل سمجھن تے اپنی گل سمجھان دی کوشش کراں گے۔اونہاں نے ہور آکھیااے کہ مولانا فضل الرحمان نال گل بات ہندی رہے گی تے ہوئے گی، جَد تک سارے سرجوڑ کے نہیں بیٹھن گے سیاسی عدم استحکام رہے گا، معاملے نوں خوش اسلوبی نال طے کراں گے۔