بانی پی ٹی آئی نے ڈیل کیتی تے اوہ شہباز شریف بن جان گے، فواد چوہدری

لہور(پنجابی میڈیا)لہور ہائیکورٹ باہر میڈیا نال گل بات کر دیاں ہو یاں فواد چوہدری دا کہنا سی شہباز شریف نوں ہُن خطرہ اپنے گھروںنہیں باہر والیاں توں تے اونہاں توں اے جیہڑے اونہاں نوں لے کے آئے نہیں۔فواد چوہدری دا کہنا سی پاکستان وچ جیہڑے حالات چل رہے نیں اینہے بحراناں وچ ساہنوں سنبھلن دی لوڑ اے، آئین موجود اے، کسی نویں چارٹر دی لوڑ نہیں اے۔اک سوال دے جواب وچ فواد چوہدری دا کہنا سی ساڈھے ملک دے جج اک تریخ رقم کر رہے نیں، پاکستان وچ اک سوشل چینج آچکیا اے اوہ اسیں ساریاں ویکھیا اے۔بانی پی ٹی آئی دی ڈیل بارے سوال دا جواب د یندیاں سابق وفاقی وزیر دا کہناسی ایتھے کوئی کسی نال کوئی ڈیل نہیں کر سکدا، بانی پی ٹی آئی وی ڈیل نہیں کرن گے، اگر بانی پی ٹی آئی نے ڈیل کیتی تے اوہ شہباز شریف بن جان گے۔فواد چوہدری دا کہنا سی کہ رابطے ہر جماعت نال ہونے چا ہیدے تے ساہنوں ساریاں نوں اک دُوجے دی گل بات سننی چا ہیدی اے ۔