منشیات فروشاں خلاف وڈھا کریک ڈان کرن جارہے ہاں، شرجیل میمن

کراچی(بیورورپورٹ)صوبائی وزیر اطلاعات و ٹرانسپورٹ شرجیل میمن نے آکھیا اے کہ صدر آصف زرداری نے واضح ہدایت دتی اے کہ مجرماں دی سرپرستی یا سہولت کاری کرن والا کوئی وی ہوئے اوس دے نال کوئی رعایت نہ وَرتی جائے ۔صدر زرداری دی ہدایات دی روشنی وچ اپیکس کمیٹی دے 21ویں اجلاس وچ اہم فیصلے کیتے گئے جنہاں وچ منشیات فروشاں دے خلاف کریک ڈان، غیر قنونی تارکین وطن خلاف کارروائیاں، ڈاکواں تے جرائم پیشہ افراد خلاف آپریشن وی شامل اے۔وزیر اعلی ہائوس وچ اپیکس کمیٹی دے اجلاس بعد میڈیا نال گل بات کر دیاں ہویاں شرجیل میمن نے آکھیا کہ منشیات فروشاں دے برے دن شروع ہو گئے نیں، اگر اوہ منشیات فروشی توں باز نہیں آئے تے اونہاں دا حشر برا ہون والا اے۔