وفاق نے 1500ارب دینے ہین،حق نہ ملیا تے چین نال نہیں بیٹھن دیاں گا،علی امین گنڈا پور

پشور(بیورورپورٹ)وزیراعلی خیبرپختونخوا علی امین گنڈا پورنے آکھیا کہ وفاق نے1500، اک ہور مد وچ 260 ارب دینے ہین، واضح پیغام دینا چاہندا ہاں ساڈھا حق نہ ملیا تے چین نال نہیں بیٹھن دیاں گا۔وزیراعلی خیبرپختونخوا علی امین گنڈا پور نے تقریب نال خطاب کر دیاں ہویاںآکھیا کہ انشا اللہ بانی پی ٹی آئی چھیتی رہا ہون گے، قنون ایسا ہونا چا ہیدا کسی نوں وی بے گناہ جیل وچ نہ رکھیا جائے، خیبرپختونخوا نوں اوس دا حق ملنا چا ہیدا۔علی امین گنڈا پور نے آکھیا کہ اسیں اپنا حق لے کے رہواں گے، میرا حق لین دے3طریقہ کار نیں، میں گھڑ سوار وی ہاں، وفاقی حکومت نوں پیغام دے رہا ہاں میری گل نوں ہلکا نہیں لینا، وفاقی حکومت نوں اندازہ نہیں کس نال پنگا پئیا ہویا اے۔وزیراعلی خیبر پختونخوا نے آکھیا کہ وفاقی حکومت ساڈھا حق کھا کے چین نال نہیں بیٹھ سکدی، مینوں اپنے لیڈر دے حکم دا انتظار اے، جدوں میں نکلاں گا تے پوری عوام نوں نال لے کے نکلاں گا، اک مثال دین لئی قربانی وی دین نوں وی تیار ہاں، وفاقی حکومت دی معاشی مشکلاں دا وی اندازہ اے۔