پاکستان وچ جمہوریت دا فقدان، 9 مئی واقعات اُتے جوڈیشل کمیشن بننا چا ہیدا،عمر ایوب
اسلام آباد(بیورورپورٹ)اپوزیشن لیڈر عمر ایوب نے آکھیا اے کہ پاکستان وچ ایس ویلے جمہوریت دا فقدان اے،9 مئی واقعات اُتے آزادانہ جوڈیشل کمیشن بننا چا ہیدا اے، جوڈیشل کمیشن نوںسارے سی سی ٹی وی فوٹیجز تک رسائی ہونی چا ہیدی۔قومی اسمبلی اجلاس نال خطاب کر دیاں ہویاں اپوزیشن لیڈر عمر ایوب نے آکھیا کہ میرے محبوب قائد نے مینوں اپوزیشن لیڈر نامزد کیتا، ساہنوں بانی پی ٹی آئی دے بیانیے دا ووٹ پئیا، بانی پی ٹی آئی دا بیانیہ اج بالاں دے دلاں دی آواز اے۔اونہاں نے آکھیا کہ آصف زرداری دی پچھلیاں تقریراں دا مطالعہ کیتا اے، المیہ ایہ اے 2008 توں لے کے آخری تقریر وچ کوئی زیادہ فرق نہیں سی، ایہ وی اک المیہ اے کہ پیپلز پارٹی وفاقی حکومت دے نال ہے وی یا نہیں، پاکستان وچ ایس ویلے صحیح جمہوریت دا فقدان اے۔عمر ایوب نے آکھیا کہ آئین مطابق سکیورٹی ادارے سیاست وچ مداخلت نہیں کر سکدے، ڈی جی آئی ایس پی آر کی پریس کانفرنس نہیں ہونی چا ہیدی سی ،اونہاں نے آکھیا کہ9 مئی اک بہانہ سی سابق وزیراعظم نشانہ سی، جوڈیشل کمپلیکس دے سی سی ٹی وی کیمرے غائب ہوگئے، کیہڑا شواہد نوں غائب کر رہیا اے، شواہد نوں غائب کرنا قنون دی خلاف ورزی ہے۔عمر ایوب کا کہنا تھا کہ 9 مئی واقعات پر آزادانہ جوڈیشل کمیشن بننا چاہئے، جوڈیشل کمیشن کو تمام سی سی ٹی وی فوٹیجز تک رسائی ہونی چا ہیدی، ایوان ذریعے ڈیمانڈ کر دے ہاں کہ حمود الرحمان، اوجڑی کیمپ، ایبٹ آباد، آرمی پبلک سکول دی رپورٹ سامنے آنی چاہئے۔اپوزیشن لیڈر نے آکھیا کہ اسلام آباد ہائی کورٹ دے 6 جج صاحبان نے چیف جسٹس نوں خط لکھیا، جج صاحبان نے آکھیا کہ مداخلت ہو رہی اے، اج عدلیہ وچ کھلم کھلا مداخلت کیتی جا رہی اے، سوشل میڈیا ایکس نوں بند کر دتا گیا اے۔اونہاں نے آکھیا کہ کمشنر راولپنڈی کدھرغائب ہوگئے؟ کمشنر راولپنڈی نے الیکشن بارے سنسنی خیز انکشافات کیتے، 8 فروری اُتے آزاد کمیشن بنے جیہڑا دودھ دادودھ تے پانی دا پانی کرے۔اپوزیشن لیڈر نے آکھیا کہ آصف زرداری جمہوریت دی گل بات کر دے نیں ملک وچ کیہڑی جمہوریت اے؟ بانی پی ٹی آئی دے گھر نوں توڑیا گیا، چیزاں نال لے گئے، بانی پی ٹی آئی دے گھر وں بالاں دیاں تصویراں نوں پھاڑیا گیا،عمر ایوب نے آکھیا کہ خواجہ آصف نے انٹرویو وچ آکھیا مارچ 2019 وچ باجوہ نال گل بات جاری سی، اونہاں دا ہدف بانی پی ٹی آئی تے اونہاں دی حکومت سی، بانی پی ٹی آئی اک غیرت مند شخص نیں۔
