آزادکشمیر وچ عوامی ایکشن کمیٹی دا احتجاج رنگ لے آیا، بجلی تے آٹا سستا کردتا گیا

مظفرآباد(بیورورپورٹ)آزاد جموں و کشمیر وچ عوامی ایکشن کمیٹی دا احتجاج رنگ لے آیا، وفاقی حکومت ولوں آزاد جموں و کشمیر نوں23 ارب روپے دا خصوصی مالیاتی پیکیج دے دتا گیا، حکومت آزاد کشمیر ایہ رقم آٹے تے بجلی دی سبسڈی اُتے خرچ کرے گی۔وزیراعظم آزاد کشمیر چودھری انوار الحق نے میڈیا نال گل بات کر دیاں ہویاں آکھیا کہ پچھلے4 دناں توں آزاد کشمیر وچ احتجاج دا سلسلہ جاری سی، سستی بجلی دے مطالبے اُتے کوئی وی انکار نہیں کر سکدا، عوامی ایکشن کمیٹی دے مطالبات تسلیم کر لئے گئے نیں، اج آٹا تے بجلی سستی ہو گئی اے۔چودھری انوار الحق نے آکھیا کہ محکمہ خوراک تے برقیات حکومت آزاد جموں و کشمیر نے سستے آٹے تے سستی بجلی بارے 2وَکھ وَکھ نوٹیفکیشن وی جاری کر د تے نیں، معاملات حل کرن اُتے وزیراعظم دے مشکور ہاں۔