ن لیگ نے بالاں دے ہتھ وچ پٹرول بم، غلیلاں نہیں دتیاں،مریم نواز

لہور(پنجابی میڈیا)وزیراعلی پنجاب مریم نواز شریف دا کہنا اے مسلم لیگ (ن)نے بالاں دے ہتھ پٹرول بم تے غلیلاں نہیں دتیاں۔چیف منسٹر سکل ڈویلپمنٹ شروع ہو گیا، وزیراعلی پنجاب مریم نواز شریف نے پروگرام دی افتتاحی تقریب نال خطاب کر دیاں ہویاں آکھیا کہ پروگرام لی 1 ہزار بالاں دا چنائو کیتا گیا اے، ہزار وچوں600 منڈے تے400 کُڑیاں نیں۔مریم نواز نے آکھیا کہ خوشی اے کہ پہلی وار جاب مارکیٹ اُتے مبنی کورسز متعارف کرائے گئے نیں، سکل ڈویلپمنٹ پروگرام وچ بچیاں نے وَدھ چڑھ کے حصہ لیا، کوشش ہوئے گی کہ کورس نوںمکمل کرن توں پہلاں ہی بالاں نوں روزگار مل جائے۔وزیراعلی پنجاب مریم نواز شریف نے آکھیا کئی لوگ کہندے نیں اسیں ایہ کراں گے اوہ کراں گے، مسلم لیگ (ن)نے بالاں دے ہتھ پٹرول بم تے غلیلاں نہیں دتیاں،اسیں بالاںنوں سکیورٹی فورسز دی آکھاں پھوڑنا نہیں سکھایا، جناح ہائوس نوںراکھ دا ڈھیر بنا دتا گیا،اسیں بالاں نوں ایہ نہیں سکھانا ماردیو۔