کنک بحران: وزیراعظم دی2پاسکو افسراںونوں معطل کرن دی ہدایت
اسلام آباد(بیورورپورٹ)وزیراعظم شہباز شریف نے کساناں توں کنک خریدن توں غفلت وَرتن اُتے2 پاسکو افسراں نوں معطل کر ن دی ہدایت کر دتی۔وزیراعظم شہباز شریف دی زیر صدارت کنک دی خریداری دے پروگرام بارے اجلاس ہویا جس وچ وفاقی وزیر خزانہ محمد اورنگزیب، وفاقی وزیر تحفظ خوراک رانا تنویر حسین، وفاقی وزیر اقتصادیات احد خان چیمہ تے وفاقی وزیر تجارت جام کمال خان نے رَلت کیتی۔وزیر مملکت انفارمیشن ٹیکنالوجی شزا فاطمہ خواجہ، وزیراعظم دے کوآرڈینیٹر رانا احسان افضل تے متعلقہ اعلی سرکاری افسر وی اجلاس وچ رَلتی ہوئے۔وزیراعظم نے کنک خریداری دے عمل اُتے ٹیکنالوجی استعمال کرن دی ہدایت اُتے عمل نہ کرن تے غفلت وَرتن اُتے پاسکو دے منیجنگ ڈائریکٹر تے جنرل منیجر اُتے وکیورمنٹ نوں معطل کرن دی ہدایت کردتی۔
