معاشی ٹیم تے آئی ایم ایف وچ ملکی معیشت دی بہتری لئی مل کے کم کرن اُتے اتفاق
اسلام آباد(بیورورپورٹ)بجٹ تے نویں قرض پروگرام اُتے پاکستان تے آئی ایم ایف دے وچکار مذاکرات شروع ہوگئے۔ذرائع مطابق تعارفی سیشن وچ معاشی ٹیم تے آئی ایم ایف مشن دے وچکار ملکی معیشت دی بہتری لئی مل کے کم کرن اُتے اتفاق ہوگیا۔آئی ایم ایف مشن نے نویں قرض پروگرام سائن کرن دی یقین دہانی کرا دتی، قرض پروگرام دا سائز تے حجم آئی ایم ایف ایگزیکٹو بورڈ دی مشاورت نال فائنل کرن دی یقین دہانی کرائی گئی اے۔آئی ایم ایف مشن چیف دا کہنا سی کہ آئی ایم ایف جیہڑے تجویزاں دین اوس اُتے عملدرآمد یقینی بنایا جائے، سیاسی عدم استحکام پاروں معاشی میدان وچ چیلنج درپیش ہوئے، ملکی معیشت دی بہتری لئی ساریاں سیاسی جماعتاں نوں نال مل کے کم کرن دی لوڑ اے۔مشن چیف نے ہور آکھیا کہ معاشی استحکام وی سیاسی استحکام دے نال جڑیا اے، مذاکرات نتیجہ خیز ہون گے، پاکستان دی سپورٹ جاری رکھاں گے، معاشی ٹیم دے نال آئندہ مالی سال دے بجٹ اُتے وی کم کراں گے۔
