عوام لئی خوشخبری!پٹرول دی قیمت ہورگھٹن داامکان

لہور(پنجابی میڈیا )حکومت ولوں15دناں وچ دُوجی وار پٹرول دی قیمت گھٹ کیتے جان داامکان اے۔ذرائع دے مطابق پٹرول دی قیمت وچ13 روپے 40 پیسے تے مٹی دے تیل دی قیمت وچ 9 روپے 49 پیسے فی لٹر گھٹ دی توقع اے۔وزارت پٹرولیم ذرائع نے دسیااے کہ عالمی سطح اُتے پٹرول دی قیمت 7.26 ڈالر فی بیرل گھٹ ہوئی جس دے بعد عالمی سطح اُتے پٹرول دی قیمت 98.99 ڈالر فی بیرل دی سطح اُتے آگئی اے۔ایسی طرح ڈیزل دی قیمت وی8 روپے 19 پیسے فی لٹر گھٹن دا امکان اے، عالمی سطح اُتے ڈیزل دی قیمت4.68 ڈالر دی گھٹ کے 99.37ڈالر وی بیرل ہوگئی اے۔پٹرول مصنوعات دی نویں قیمت دااطلاق وزیراعظم دی منظوری دے بعد 16مئی 2024 توں ہوئے گا۔